Alla la maakoyiroo duwaa aniŋ tenturoo
Dawuda la Jabuuroo.
1 Hee Yaawe*, n ka ite le kumandi,
n semberaŋ beroo, kana i tulu faa m ma,
kaatu niŋ i maŋ i danku m ma, m be ke la le ko
moolu mennu taata saayaa dinkoo kono.
2 I lamoyi n kumboo kaŋo la,
niŋ m be maakoyiri ñiniŋo la,
niŋ ŋa m buloolu wulindi ka duwaa
i la buŋ senuŋ baa ñaatiliŋo la.
3 Kana n niŋ moo kuruŋolu koora ñoo la,
kuu jawu kelaalu,
mennu ka kayiroo fo ì daa la ì siiñoolu ye,
wo tumoo konnanteeyaa be ì sondomoolu kono.
4 Ì ye meŋ ke, ì joo a la,
ì la baara jawoolu, ì ye mennu ke.
Ì baarata meŋ na, ì joo a la.
Ì ye meŋ baara, a seyi ì ma.
5 Bayiri ì maŋ ite Yaawe la keroo muta feŋ ti,
waraŋ i ye meŋ daa,
i be ì tumbuŋ na le,
aduŋ i te ì wulindi la kotenke.
6 Tenturoo be Yaawe ye,
kaatu a ye n kumboo kaŋo moyi le,
biriŋ m be maakoyiri ñiniŋo la.
7 Yaawe le mu n semboo ti, aniŋ n na tankaraŋ koteeroo*,
n jikita a la niŋ n sondomoo bee le la.
A ye m maakoyi le, aduŋ n jusulaata baake le.
Wo kamma la, m be a tentu la niŋ suukuwolu le la.
8 Yaawe le mu a la moolu semboo ti,
aduŋ a mu tuukuraŋo niŋ tankadulaa le ti
a la tomboŋ moo ye.
9 Yaawe, i la tomboŋ moolu tankandi,
aduŋ i si neema ì ma.
I si ke ì kantalaa ti,
i ye ì topatoo.
A Psalm of David.
1 Unto thee will I cry, O LORD my rock; be not silent to me: lest, if thou be silent to me, I become like them that go down into the pit.
2 Hear the voice of my supplications, when I cry unto thee, when I lift up my hands toward thy holy oracle.
3 Draw me not away with the wicked, and with the workers of iniquity, which speak peace to their neighbours, but mischief is in their hearts.
4 Give them according to their deeds, and according to the wickedness of their endeavours: give them after the work of their hands; render to them their desert.
5 Because they regard not the works of the LORD, nor the operation of his hands, he shall destroy them, and not build them up.
6 Blessed be the LORD, because he hath heard the voice of my supplications.
7 The LORD is my strength and my shield; my heart trusted in him, and I am helped: therefore my heart greatly rejoiceth; and with my song will I praise him.
8 The LORD is their strength, and he is the saving strength of his anointed.
9 Save thy people, and bless thine inheritance: feed them also, and lift them up for ever.
