Wulaara duwaa
Dawuda la Jabuuroo.
1 Hee Yaawe*, n ka ite le kumandi,
naa m maakoyi katabake.
I lamoyi n na, niŋ ŋa i kumandi.
2 N na duwaa muta,
a ye ke i fee ko cuuraayi siisii diimaa,
aniŋ ŋa m buloo meŋ wulindi ka duwaa,
i ye a muta n ye wulaara sadaa ti.
3 Yaawe, m maakoyi ka n daa mara,
aniŋ ka n kekuu m fokumoolu to.
4 N sondomoo kaarindi kuu jawoo ma,
n kana m faŋ duŋ kuu jawu kewo to,
ka bo niŋ moolu kafuñooyaa la, mennu ka junuboo ke.
N tanka ñiŋ ma
ka kafu ì ma ì la bidaŋ domoroolu to.
5 Niŋ moo tilindiŋo le ye m busa,
wo mu m fee konotodiyaa le ti.
A la n jalayoo, wo mu tulu seeralaa le ti n kuŋo to,
a te ke la m fee kasi ti.
Bari n ka duwaa le kuruŋolu la kuruŋyaa ye daŋ.
6 Niŋ ì ye ì la maralilaalu boyindi naŋ konkoo santo,
moolu be soŋ na le ko,
n na kumoolu mu tooñaa le ti.
7 Komeŋ niŋ moo ye bankoo sene
a ka a yelemandi ñaameŋ ka beroolu bondi,
ì kuloolu be tara la janjandiŋ kaburu daala wo le ñaama.
8 Hee Yaawe m Maariyo,
nte ŋa n ñaa tiliŋ ite le la,
ŋa tankoo ñiniŋ ite le bulu,
kana m bula ŋa kasaara.
9 N tanka jaloolu ma,
ì ye mennu laa n kamma,
aniŋ moo jawoolu la kutindiŋolu.
10 Allamaa moo kuruŋolu ye boyi
ì faŋolu la jaloolu kono,
bari nte si tambi kuuke tankoo kono.
A Psalm of David.
1 LORD, I cry unto thee: make haste unto me; give ear unto my voice, when I cry unto thee.
2 Let my prayer be set forth before thee as incense; and the lifting up of my hands as the evening sacrifice.
3 Set a watch, O LORD, before my mouth; keep the door of my lips.
4 Incline not my heart to any evil thing, to practise wicked works with men that work iniquity: and let me not eat of their dainties.
5 Let the righteous smite me; it shall be a kindness: and let him reprove me; it shall be an excellent oil, which shall not break my head: for yet my prayer also shall be in their calamities.
6 When their judges are overthrown in stony places, they shall hear my words; for they are sweet.
7 Our bones are scattered at the grave’s mouth, as when one cutteth and cleaveth wood upon the earth.
8 But mine eyes are unto thee, O GOD the Lord: in thee is my trust; leave not my soul destitute.
9 Keep me from the snares which they have laid for me, and the gins of the workers of iniquity.
10 Let the wicked fall into their own nets, whilst that I withal escape.
