Yunusa la duwaa
1 Kabiriŋ Yunusa be ñewo kono, a ye Yaawe* daani, a la Alla.
2 A ko:
“N na bataa kaŋ ŋa ite Yaawe kumandi le,
aduŋ i ye n danku le.
Ka bo kaburu dinkoolu to, ŋa i la maakoyiroo daani,
aduŋ i ye n kalamuta le.
3 I ye m fayi diinoŋo le to, ka taa fo baa duumoo to,
daameŋ jiyo be m baloo karoo bee la,
aduŋ i la baa baliŋo semboo bee ka naa n kaŋ ne.
4 Ŋa a miira le nuŋ ko, n yeemanta i la karoo la le.
Bari hani wo, m be i la buŋ senuŋo je la le kotenke.
5 Jiyo naata n kaŋ, aduŋ a maranta,
diinoŋo ye m muru karoo bee la.
Baato ñaamoo ye n kuŋo bee muura.
6 N taata fo baa duumoo to,
n dunta banku le to, meŋ bundaalu ka tu sorondiŋ fo abadaa.
Bari ite, hee Yaawe m Maariyo
i ye m bondi naŋ ñiŋ diinoŋo to le, m baluuta.
7 Kabiriŋ ŋa a loŋ ko, n na duniyaa ka naa baŋ ne,
n hakiloo bulata i la ŋa i daani,
aduŋ n na duwaa futata i ma le, i la buŋ senuŋo kono.
8 Moolu mennu ka jalaŋ nafantaŋolu batu,
wolu ye ì koo dii hiinoo la le,
meŋ ñanta ke la ì taa ti.
9 Bari m be sadaa* bo la i ye le,
ŋa i jayiraŋ suukuwo laa,
aduŋ ŋa n kali meŋ na, m be wo ke la le.
Kiisoo bota naŋ Yaawe le yaa.”
10 Bituŋ Yaawe ye ñewo yaamari, aduŋ a ye Yunusa foonoo naŋ banku jaaroo kaŋ.
1 Then Jonah prayed unto the LORD his God out of the fish’s belly, 2 And said, I cried by reason of mine affliction unto the LORD, and he heard me; out of the belly of hell cried I, and thou heardest my voice. 3 For thou hadst cast me into the deep, in the midst of the seas; and the floods compassed me about: all thy billows and thy waves passed over me. 4 Then I said, I am cast out of thy sight; yet I will look again toward thy holy temple. 5 The waters compassed me about, even to the soul: the depth closed me round about, the weeds were wrapped about my head. 6 I went down to the bottoms of the mountains; the earth with her bars was about me for ever: yet hast thou brought up my life from corruption, O LORD my God. 7 When my soul fainted within me I remembered the LORD: and my prayer came in unto thee, into thine holy temple. 8 They that observe lying vanities forsake their own mercy. 9 But I will sacrifice unto thee with the voice of thanksgiving; I will pay that that I have vowed. Salvation is of the LORD.
10 ¶ And the LORD spake unto the fish, and it vomited out Jonah upon the dry land .
