Yaawe la mansabaayaa niŋ a la semboo
1 Yaawe* mu Mansa le ti,
duniyaa moolu, ali kontaani!
Hani fankaasoo daŋo to siilaalu,
ali seewoo!
2 Minaayoolu ye a kuru,
diboo ye a muru.
Tiliŋo niŋ tooñaa,
a la mansasiiraŋo be looriŋ wo le kaŋ.
3 Dimbaa ka taa a ñaato,
ka a jawoolu kasaara a karoo bee la.
4 A la saŋ ŋalasoo ka duniyaa fanundi,
duniyaa ka a je, a ye jarajara.
5 Konkoolu ka yeluŋ Yaawe ñaatiliŋo la le komeŋ kandiyoo,
duniyaa bee Maariyo ñaatiliŋo la.
6 Saŋ fatoolu ka a la tiliŋo kankulaa,
aduŋ duniyaa moolu bee
ka a la semboo niŋ waroo je.
7 Moolu mennu ka jalaŋ kenseŋolu batu,
ì ka kibiri ì la, wolu be malu la le.
Jalaŋolu bee ka boyi Yaawe ñaatiliŋo la le.
8 Siyoni* moolu ye ite Yaawe la kiitindiroolu moyi le,
ì kontaanita,
Yahuuda saatewolu fanaa seewoota.
9 Yaawe, ite le mu maralilaa baa ti duniyaa kunto.
Ite warabaata le ka tambi alloolu bee la.
10 Yaawe ye moolu le kanu
mennu ye kuu jawoo koŋ,
a ka a la moolu niyo kanta le,
a ka ì tankandi moo jawoolu bulu.
11 A la beteyaa tilimaa le ka mala moo tilindiŋolu kaŋ,
aduŋ seewoo be moolu le ye,
tiliŋo be mennu sondomoo kono.
12 Ali seewoo Yaawe la kuwo to, moo tilindiŋolu,
ali ye a tentu niŋ a too senuŋo la!
God the Supreme Ruler
1 The Lord is king! Earth, be glad!
Rejoice, you islands of the seas!
2 Clouds and darkness surround him;
he rules with righteousness and justice.
3 Fire goes in front of him
and burns up his enemies around him.
4 His lightning lights up the world;
the earth sees it and trembles.
5 The hills melt like wax before the Lord,
before the Lord of all the earth.
6 The heavens proclaim his righteousness,
and all the nations see his glory.
7 Everyone who worships idols is put to shame;
all the gods bow down before the Lord.
8 The people of Zion are glad,
and the cities of Judah rejoice
because of your judgments, O Lord.
9 Lord Almighty, you are ruler of all the earth;
you are much greater than all the gods.
10 The Lord loves those who hate evil;
he protects the lives of his people;
he rescues them from the power of the wicked.
11 Light shines on the righteous,
and gladness on the good.
12 All you that are righteous be glad
because of what the Lord has done!
Remember what the holy God has done,
and give thanks to him.
