N niyo suulata Alla le la
Dawuda la Jabuuroo, kabiriŋ a be Yahuuda keñewuloo* kono.
1 Hee Alla, ite le mu n na Alla ti,
i la kuwo ye n loo le,
i la kuwo ye m muta le ko mindoo,
m balajaatoo bee le ye i la kuwo kaniŋ.
A ka munta le ko ñiŋ banku jaaroo,
jii te daameŋ to, fo bataa.
2 Ŋa i je i Batudulaa kono le.
N ñaa loota i la waroo kaŋ ne,
aniŋ i la kallankeeyaa .*
3 I la kanu bambaloo le fisiyaata baluwo ti.
Nte be i jayi la le.
4 M be i tentu la le, niŋ m be baluwo to.
M be m buloolu wulindi la i ye le ka duwaa.
5 N niyo si daañini kendoo ke,
aduŋ m be suukuu diimaalu laa la le ka i jayi.
6 Niŋ ŋa n laa n na laaraŋo kaŋ,
n hakiloo ka tara i kaŋ ne,
n ka m miira i la le suutoo bee.
7 Bayiri ite le keta m maakoyilaa ti,
n ka tara i dampaŋo le koto,
wo to m be suukuwo laa la le seewoo kamma la.
8 Ŋa n deŋ ite le la,
aduŋ i buloo be n koto le ka n tanka.
9 Bari moolu mennu lafita m faa la,
wolu le be kasaara la,
ì ye taa kaburoo kono.
10 Ì be ì faa la hawusaroo* le la,
ì ye ke kunkuwuloolu la maafoo ti.
11 Bari mansa be seewoo la Alla la kuwo la le.
Moolu mennu ye laahidoo taa Alla too la,
ì be a tentu la le.
Bari Alla be faniyaa folaalu deyindi la le.
Longing for God
1 O God, you are my God,
and I long for you.
My whole being desires you;
like a dry, worn-out, and waterless land,
my soul is thirsty for you.
2 Let me see you in the sanctuary;
let me see how mighty and glorious you are.
3 Your constant love is better than life itself,
and so I will praise you.
4 I will give you thanks as long as I live;
I will raise my hands to you in prayer.
5 My soul will feast and be satisfied,
and I will sing glad songs of praise to you.
6 As I lie in bed, I remember you;
all night long I think of you,
7 because you have always been my help.
In the shadow of your wings I sing for joy.
8 I cling to you,
and your hand keeps me safe.
9 Those who are trying to kill me
will go down into the world of the dead.
10 They will be killed in battle,
and their bodies eaten by wolves.
11 Because God gives him victory,
the king will rejoice.
Those who make promises in God's name will praise him,
but the mouths of liars will be shut.
