Ka Alla jayi, a la maakoyiroo la
1 Ali Yaawe* jayi.
Nte be Yaawe jayi la n niyo le la.
2 M be kali Yaawe jayi la n na baluwo bee le kono.
Niŋ m be n niyo la,
m be suukuwo laa la n na Alla ye le.
3 Kana i jikoo loo maralilaalu kaŋ,
hadamadiŋo meŋ te tankandiri ke noo la.
4 Niŋ a niyo bota, a ka muru le ka ke bankumunkoo ti.
Wo luŋo faŋo le mu a hame kuwolu ka tiñaa.
5 Seewoo be moo le ye
meŋ ye Yaakuba la Alla muta a la maakoyirilaa ti,
meŋ ye a jikoo loo Yaawe kaŋ, a la Alla.
6 Ate le ye saŋo niŋ bankoo daa, aniŋ fankaasoo,
ka taa feŋolu mennu bee be ì kono,
aduŋ a ka tu tilindiŋ a la laahidoolu kaŋ ne fo abadaa.
7 Yaawe le ka kiitiyo teyi moo toorariŋolu ye,
a ye ì boloo dii ì la,
aduŋ a ka domoroo dii moo konkoriŋolu la le.
Yaawe le ka mutamoolu firiŋ.
8 Yaawe le ka finkintewolu ñaalu yelendi.
Ate le ka moolu wulindi mennu jiranta.
Ate le ka moo tilindiŋolu kanu.
9 Yaawe le ka tumarankewolu tankandi,
a ka furuyaamusoolu maakoyi, aniŋ aliyatiimoolu,
bari a ka moo kuruŋolu la siloo yelemandi ì ye kasaaroo le ti.
10 Yaawe le be tu la mansayaa la fo abadaa.
Alitolu Siyoni* moolu,
ali la Alla le be tu la mansayaa la fo abadaa.
Ali Yaawe jayi.
In Praise of God the Savior
1 Praise the Lord!
Praise the Lord, my soul!
2 I will praise him as long as I live;
I will sing to my God all my life.
3 Don't put your trust in human leaders;
no human being can save you.
4 When they die, they return to the dust;
on that day all their plans come to an end.
5 Happy are those who have the God of Jacob to help them
and who depend on the Lord their God,
6 the Creator of heaven, earth, and sea,
and all that is in them.
He always keeps his promises;
7 he judges in favor of the oppressed
and gives food to the hungry.
The Lord sets prisoners free
8 and gives sight to the blind.
He lifts those who have fallen;
he loves his righteous people.
9 He protects the strangers who live in our land;
he helps widows and orphans,
but takes the wicked to their ruin.
10 The Lord is king forever.
Your God, O Zion, will reign for all time.
Praise the Lord!
