Alla ye mennu ke, daaroo to aniŋ a la moolu la taarikoo kono
1 Ali Yaawe* tentu, kaatu a beteyaata le,
a la kanu bambaloo be tu la le fo abadaa.
2 Ali Alla tentu, mansoolu la Mansoo,
a la kanu bambaloo be tu la le fo abadaa.
3 Ali Maariyo tentu, maariyolu la Maariyo,
a la kanu bambaloo be tu la le fo abadaa.
4 Ali Yaawe tentu,
ate le doroŋ ka kaawakuu baalu ke,
a la kanu bambaloo be tu la le fo abadaa.
5 Ate le ye saŋ fatoolu daa a la ñaameŋo la,
a la kanu bambaloo be tu la le fo abadaa.
6 Ate le ye bankoo feenee jiyo kaŋ,
a la kanu bambaloo be tu la le fo abadaa.
7 Ate le ye malafeŋ baalu daa,
a la kanu bambaloo be tu la le fo abadaa.
8 Tiloo ka fanikewo la kuwo le mara,
a la kanu bambaloo be tu la le fo abadaa.
9 Karoo niŋ looloolu ka suutoo la kuwo le mara,
a la kanu bambaloo be tu la le fo abadaa.
10 Ali Yaawe tentu,
ate le ye Misirankoolu la konoñaa foloolu faa,
a la kanu bambaloo be tu la le fo abadaa.
11 Ate le ye Banisirayilankoolu fintindi naŋ Misira bankoo kaŋ,
a la kanu bambaloo be tu la le fo abadaa.
12 A ye a ke niŋ a sembe baa le la,
a la kanu bambaloo be tu la le fo abadaa.
13 Ali Yaawe tentu,
ate le ye Kulunjumbe Baa fara fula ti,
a la kanu bambaloo be tu la le fo abadaa.
14 A ye Banisirayilankoolu tambindi a teema la,
a la kanu bambaloo be tu la le fo abadaa.
15 Bari a ye Firawoona tuunendi wo baa kono le,
a niŋ a la kelediŋolu,
a la kanu bambaloo be tu la le fo abadaa.
16 Ali Yaawe tentu,
ate le ye a la moolu tambindi keñewuloo* kono la,
a la kanu bambaloo be tu la le fo abadaa.
17 Ate le ye mansa sembemaalu faa,
a la kanu bambaloo be tu la le fo abadaa.
18 A ye mansa kandaalu faa le,
a la kanu bambaloo be tu la le fo abadaa,
19 komeŋ Sihoni, Amorinkoolu la mansa,
a la kanu bambaloo be tu la le fo abadaa,
20 aniŋ Oki, Basani tundoo mansa,
a la kanu bambaloo be tu la le fo abadaa.
21 A ye ì la bankoolu ke keetaafeŋo le ti,
a la kanu bambaloo be tu la le fo abadaa,
22 a ye ì dii Banisirayilankoolu le la, a la dookuulaalu,
a la kanu bambaloo be tu la le fo abadaa.
23 Ali Yaawe tentu,
a maŋ ñina ǹ na, kabiriŋ m̀ be jutunnayaa kono,
a la kanu bambaloo be tu la le fo abadaa.
24 A ye m̀ bondi ǹ jawoolu bulu le,
a la kanu bambaloo be tu la le fo abadaa.
25 Ate le ka domoroo dii niilamaa feŋo bee la,
a la kanu bambaloo be tu la le fo abadaa.
26 Ali Alla tentu, Arijana Maarii,
a la kanu bambaloo be tu la le fo abadaa.
A Hymn of Thanksgiving
1 Give thanks to the Lord, because he is good;
his love is eternal.
2 Give thanks to the greatest of all gods;
his love is eternal.
3 Give thanks to the mightiest of all lords;
his love is eternal.
4 He alone performs great miracles;
his love is eternal.
5 By his wisdom he made the heavens;
his love is eternal;
6 he built the earth on the deep waters;
his love is eternal.
7 He made the sun and the moon;
his love is eternal;
8 the sun to rule over the day;
his love is eternal;
9 the moon and the stars to rule over the night;
his love is eternal.
10 He killed the first-born sons of the Egyptians;
his love is eternal.
11 He led the people of Israel out of Egypt;
his love is eternal;
12 with his strong hand, his powerful arm;
his love is eternal.
13 He divided the Red Sea;
his love is eternal;
14 he led his people through it;
his love is eternal;
15 but he drowned the king of Egypt and his army;
his love is eternal.
16 He led his people through the desert;
his love is eternal.
17 He killed powerful kings;
his love is eternal;
18 he killed famous kings;
his love is eternal;
19 Sihon, king of the Amorites;
his love is eternal;
20 and Og, king of Bashan;
his love is eternal.
21 He gave their lands to his people;
his love is eternal;
22 he gave them to Israel, his servant;
his love is eternal.
23 He did not forget us when we were defeated;
his love is eternal;
24 he freed us from our enemies;
his love is eternal.
25 He gives food to every living creature;
his love is eternal.
26 Give thanks to the God of heaven;
his love is eternal.
