Tentoo be Alla ye, a la balafaa kamma la
1 Ali Yaawe* jayi.
Ali Yaawe jayi a too la.
Alitolu mennu mu a la dookuulaalu ti,
ali a jayi.
2 Alitolu mennu ka loo ka baturoo ke a la buŋo kono,
ǹ na Alla batudulaa luwolu to,
ali a jayi.
3 Ali Yaawe jayi, kaatu a beteyaata le.
Ali suukuwolu laa ka a jayi a too la,
kaatu a konotoo diyaata le.
4 Yaawe ye Yaakuba koomalankoolu tomboŋ a faŋo le ye,
a ye Banisirayilankoolu ke a faŋo ye le komeŋ sanoo niŋ luuluwo.
5 Nte ŋa a loŋ ne ko Yaawe warata le,
ntolu Maariyo le warabaata
ka tambi alloolu bee la.
6 Meŋ diyaata Yaawe ye, a ka wo le ke,
Arijana niŋ duniyaa kono,
fankaasoolu niŋ diinoŋolu kono.
7 Ate le ka tawaloolu ke santo duniyaa daŋolu to,
a ka saŋ ŋalasoo ke samaajiyo ye,
aduŋ a ka foñoo bondi naŋ a la foñobuŋolu le kono.
8 Ate le ye Misirankoolu la konoñaa foloolu bee faa,
biriŋ moolu to ka taa fo beeyaŋolu.
9 Ate le ye taamanseeroolu niŋ kaawakuwolu jindi
Misira bankoo kaŋ,
Firawoona niŋ a la dookuulaalu bee kaŋ.
10 Ate le ye banku koteŋ jamaalu kasaara,
aduŋ a ye mansa sembemaalu faa le,
11 komeŋ Sihoni, Amorinkoolu la mansa,
aniŋ Oki, Basani tundoo mansa,
aniŋ Kanaani mansamarali bankoolu bee.
12 A ye ì la bankoolu ke keetaafeŋo le ti,
a ye ì dii a la moolu Banisirayilankoolu la
ka a keetaa.
13 Yaawe, i too le be tu la fo abadaa,
i too la boo be tu la le jamaanoolu bee la.
14 Yaawe le be kiitiyo teyi la a la moolu ye,
aduŋ a be balafaa la a la dookuulaalu ye le.
15 Duniyaa moolu ye mennu dadaa ì buloolu la
sanoo niŋ kodiforoo la,
ì ye wolu le ke ì la Alla ti.
16 Daalu be ì la, bari ì buka diyaamu noo.
Ñaalu be ì la, bari ì buka i je.
17 Tuloolu be ì la, bari ì buka i moyi noo.
Niyo faŋo le te ì la.
18 Mennu ye ì dadaa, ì fanaa be wo le ñaama,
aniŋ mennu bee laata ì la.
19 Alitolu Banisirayilankoolu, ali Yaawe tentu,
alitolu Haaruna koomalankoolu, ali a tentu.
20 Alitolu Lewi lasiloo moolu,
ali Yaawe tentu,
alitolu mennu bee ye Yaawe kuliyaa,
ali a tentu.
21 Tentoo ñanta Yaawe ma Siyoni* kono le,
ate meŋ taradulaa be Yerusalaamu.
Ali Yaawe jayi.
A Hymn of Praise
1 Praise the Lord!
Praise his name, you servants of the Lord,
2 who stand in the Lord's house,
in the Temple of our God.
3 Praise the Lord, because he is good;
sing praises to his name, because he is kind.
4 He chose Jacob for himself,
the people of Israel for his own.
5 I know that our Lord is great,
greater than all the gods.
6 He does whatever he wishes
in heaven and on earth,
in the seas and in the depths below.
7 He brings storm clouds from the ends of the earth;
he makes lightning for the storms,
and he brings out the wind from his storeroom.
8 In Egypt he killed all the first-born
of people and animals alike.
9 There he performed miracles and wonders
to punish the king and all his officials.
10 He destroyed many nations
and killed powerful kings:
11 Sihon, king of the Amorites,
Og, king of Bashan,
and all the kings in Canaan.
12 He gave their lands to his people;
he gave them to Israel.
13 Lord, you will always be proclaimed as God;
all generations will remember you.
14 The Lord will defend his people;
he will take pity on his servants.
15 The gods of the nations are made of silver and gold;
they are formed by human hands.
16 They have mouths, but cannot speak,
and eyes, but cannot see.
17 They have ears, but cannot hear;
they are not even able to breathe.
18 May all who made them and who trust in them
become like the idols they have made!
19 Praise the Lord, people of Israel;
praise him, you priests of God!
20 Praise the Lord, you Levites;
praise him, all you that worship him!
21 Praise the Lord in Zion,
in Jerusalem, his home.
Praise the Lord!
