Banisirayilankoolu jawoolu la boyoo duwaa
Moolu ka ñiŋ suukuwo le laa, niŋ ì be Alla Batudulaa Buŋo* waliŋ na.
1 Banisirayilankoolu, ali a fo ko,
“Ì ye ntolu toorandi baake le,
biriŋ m̀ foloodulaa.
2 Ì ye ntolu toorandi baake le,
biriŋ m̀ foloodulaa,
hani wo ì maŋ i kutu ǹ na de.
3 Ì ye ǹ koo kono faraŋ-faraŋ ne,
komeŋ seneraŋ daboo ka balinsaa fara ñaameŋ.
4 Yaawe* tilinta le,
a ye m̀ firiŋ moo jawoolu bulu le.”
5 Allamaa moolu mennu bee ye Siyoni* koŋ,
ye bula maloo kono, ì ye kori.
6 Allamaa ì ye ke komeŋ ñaamoo,
meŋ falinta buŋo santo,
meŋ ka jaa janniŋ a be meŋ na,
7 nafaa te meŋ na, sako katirilaa si a buloo faa a la,
waraŋ siimaŋ sitilaa si a ke kunsiti ti.
8 Aduŋ tambilaalu te a fo la ko,
“Allamaa Yaawe neema la ali ma.
M̀ be neemoo duwaa la ali ye Yaawe too la.”
A Prayer against Israel's Enemies
1 Israel, tell us how your enemies have persecuted you
ever since you were young.
2 “Ever since I was young,
my enemies have persecuted me cruelly,
but they have not overcome me.
3 They cut deep wounds in my back
and made it like a plowed field.
4 But the Lord, the righteous one,
has freed me from slavery.”
5 May everyone who hates Zion
be defeated and driven back.
6 May they all be like grass growing on the housetops,
which dries up before it can grow;
7 no one gathers it up
or carries it away in bundles.
8 No one who passes by will say,
“May the Lord bless you!
We bless you in the name of the Lord.”
