Tankoo saayaa ma
1 Ŋa Yaawe* kanu le, kaatu a ye m moyi le,
biriŋ n woosiita a ye ka a daani.
2 Bayiri a ye a tuloo loo n na le,
wo to luŋ-wo-luŋ m be kali a kumandi la le,
niŋ m be n niyo la.
3 Saayaa jalamaa le naata n kaŋ karoo bee la,
kaburoo silaŋo dunta n na,
n tarata dewuŋo niŋ kijafaroo kono.
4 Bituŋ ŋa Yaawe too kumandi,
ka a fo ko,
“Hee Yaawe, ŋa i daani, n niyo tankandi.”
5 Yaawe hiinanteeyaata le, aduŋ a tilinta.
Ǹ na Alla balafaa warata le.
6 Yaawe le ka moo tanka meŋ te a faŋ maakoyi noo la.
Kabiriŋ m bataata, a ye n tankandi le.
7 Silaŋ n sondomoo si tenkuŋ,
kaatu Yaawe ye beteyaa doroŋ ne yitandi n na.
8 Ite Yaawe le ye n niyo tanka saayaa ma,
i ye n ñaa tanka ñaajii boŋo ma,
i ye n siŋo tanka takoo ma.
9 Wo to m be tara la taama la ite Yaawe le fee
baluwo kenoo to.
10 N kumata m faŋ ma ñaa-wo-ñaa ko,
“Nte bataajawuta le,”
bari n tuta dankeneyaariŋ ne.
11 N na dewuŋo kaŋ n kumata ko,
“Moolu bee le maŋ ke jikitaa ti.”
12 Nte si muŋ ne ke noo Yaawe ye
ñiŋ kamma la a beteyaata m fee ñaameŋ?
13 M be miŋ feŋ sadaa* le bo la
ka Yaawe tentu a too la,
a la n kiisoo kamma la.
14 M be n na laahidoolu timmandi la Yaawe ye le,
a la moolu bee ñaa la.
15 Yaawe kanuntewolu kummaayaata a fee le,
ì la saayaa buka ke a ye kuundiŋ ti.
16 Yaawe, nte mu i la dookuulaa musoo diŋo le ti,
aduŋ m mu i la dookuulaa doroŋ ne ti.
I ye m firiŋ ne, ka n tanka saayaa ma.
17 M be tenturulaŋ sadaa bo la i ye le,
aduŋ m be duwaa la ite Yaawe too le la.
18 M be n na laahidoolu timmandi la Yaawe ye le,
a la moolu bee ñaa la.
19 M be a ke la a batudulaa luwolu le to,
Yerusalaamu saatewo kono.
Ali Yaawe jayi.
Someone Saved from Death Praises God
1 I love the Lord, because he hears me;
he listens to my prayers.
2 He listens to me
every time I call to him.
3 The danger of death was all around me;
the horrors of the grave closed in on me;
I was filled with fear and anxiety.
4 Then I called to the Lord,
“I beg you, Lord, save me!”
5 The Lord is merciful and good;
our God is compassionate.
6 The Lord protects the helpless;
when I was in danger, he saved me.
7 Be confident, my heart,
because the Lord has been good to me.
8 The Lord saved me from death;
he stopped my tears
and kept me from defeat.
9 And so I walk in the presence of the Lord
in the world of the living.
10 I kept on believing, even when I said,
“I am completely crushed,”
11 even when I was afraid and said,
“No one can be trusted.”
12 What can I offer the Lord
for all his goodness to me?
13 I will bring a wine offering to the Lord,
to thank him for saving me.
14 In the assembly of all his people
I will give him what I have promised.
15 How painful it is to the Lord
when one of his people dies!
16 I am your servant, Lord;
I serve you just as my mother did.
You have saved me from death.
17 I will give you a sacrifice of thanksgiving
and offer my prayer to you.
18-19 In the assembly of all your people,
in the sanctuary of your Temple in Jerusalem,
I will give you what I have promised.
Praise the Lord!
