Yaawe le mu Kiitiikuntulaa ti
(1 Taarika 16:23-33)1 Duniyaa moolu,
ali suukuu kutoo laa Yaawe* ye,
ali suukuwo laa Yaawe ye,
duniyaa siyolu bee.
2 Ali suukuwo laa Yaawe ye
ka a jayi a too la.
Ali kankulaaroo ke luŋ-wo-luŋ,
a ye kiisandiroo ke ñaameŋ.
3 Ali a la semboo niŋ waroo kankulaa bankoolu bee kaŋ,
aniŋ a la kaawakuu baalu duniyaa siyolu bee kono.
4 Kaatu Yaawe warata le,
aduŋ a ñanta tentu la le famfaŋ,
ate le silaŋñaa ñanta wara la alloolu bee ti.
5 Kaatu moolu ye feŋolu mennu muta Alla ti,
ì mu jalaŋ kenseŋolu le ti.
Bari Yaawe le ye saŋ fatoolu daa.
6 Horomoo niŋ mansayaa waroo ye a murubeŋ ne,
semboo niŋ ñiiñaa le be faariŋ a la batudulaa senuŋo kono.
7 Duniyaa siyolu, ali Yaawe jayi a la waroo kaŋ.
Ali a tentu a la semboo kaŋ.
8 Ali Yaawe too la waroo niŋ a la semboo fo,
ka horomoo dii a la.
Ali ali la sadaalu* samba naŋ,
ali naa a batudulaa luwo to.
9 Ali Yaawe batu a la seneyaa ñiimaa kono,
duniyaa moolu bee, ali jarajara a ñaatiliŋo la.
10 Ali a kankulaa duniyaa moolu kono ko,
“Yaawe mu Mansa le ti.
A ye duniyaa londi le a bambanta,
a te wutu la a noo to.
A be moolu kiitindi la
tiliŋo niŋ tooñaa le la.”
11 Saŋ fatoolu ye seewoo,
bankoo ye kontaani.
Fankaasoo ye bumbuŋ,
aniŋ feŋolu mennu bee be a kono.
12 Kunkoolu ye seewoo,
ì niŋ ì fiifeŋolu.
Wulakono yiroolu be wuuri la le,
seewoo kamma la,
13 ka suukuwo laa Yaawe ye,
kaatu a be naa le,
a be naa ka duniyaa kiitindi.
A be duniyaa moolu kiitindi la
tiliŋo niŋ tooñaa le la.
© Mandinka Bible © Bible Society in The Gambia, 2011
