Duwaa, ka tanka jawoolu ma
Meŋ be suukuulaa ñaatonkayaa la: A si laa niŋ kontiŋolu la. Dawuda la suukuwo, waatoo meŋ na Sifunkoolu taata Sawulu yaa, ì ko a ye ko, “Dawuda be maaboriŋ ǹ yaa le.”
1 Hee Alla, n tanka ka bo niŋ i too la,
i ye n na boloo dii n na
ka bo niŋ i la semboo la.
2 Hee Alla, i lamoyi n na duwaa la,
i ye i tuloo loo n na kumoolu la.
3 Luntaŋolu le wulita n kamma.
Fitina moolu le be a kata kaŋ ka m faa,
mennu daa te Alla la kuu to.
S4 Tooñaa-tooñaa, Alla le mu m maakoyilaa ti,
Maariyo le mu n niyo kantalaa ti.
5 A be n jawoolu joo la ì la kuu kuruŋolu la le.
Maariyo, i la tiliŋo kaŋ, ì kasaara.
6 M be fankadaŋ sadaa* bo la i ye le.
Hee Yaawe*, m be i tentu la le
ka bo niŋ i too la,
kaatu i beteyaata baake le.
7 I ye m bondi n na mantooroolu bee kono le,
aduŋ n ñaa ye n jawoolu la boyoo je le.
© Mandinka Bible © Bible Society in The Gambia, 2011
