Balafaa duwaaraŋo
Dawuda la Jabuuroo.
1 Hee Yaawe*, n na duwaa moyi,
i lamoyi n na daaniroo la.
N jaabi, kaatu i tilinta le,
aduŋ i konotoo seneyaata.
2 Kana i la dookuulaa kiitindi,
kaatu moo te keriŋ meŋ tilinta ite ñaa koto.
3 Nte jawoo ye m bayindi le,
aduŋ a ye n korindi le las.
A ye n dundi dibi fiŋo le kono,
n ka munta moolu mennu faata waati jaŋ koomanto.
4 A ye a tinna le n jikilateyita,
n keñaa bee le bota n kono.
5 N hakiloo muruta tiloolu le kaŋ
mennu tambita waati jaŋ koomanto,
ŋa m miira i la keroolu bee la le,
ŋa n hakiloo duŋ ne i ye kuwolu mennu ke.
6 Ŋa m buloolu wulindi i ye le ka duwaa.
N niyo suulata i la le, komeŋ niŋ jaa lookuta,
banku jaaroo ka suula jiyo la ñaameŋ.
S7 Hee Yaawe, n jaabi katabake,
n jikilateyita le.
Kana i ñaa faa m ma, niŋ wo nte
n si taa laakira.
8 Kali m moyirindi i la kanu bambaloo la
fanoo la ke tumoo la,
kaatu n jikoo be ite le kaŋ.
Siloo yitandi n na, n ñanta taa la meŋ na,
kaatu ŋa n sondomoo loo ite le kaŋ.
9 Hee Yaawe, n tanka n jawoolu ma,
ŋa tankoo ñini ite le fee.
10 N karandi ka i la lafoo ke,
kaatu ite le mu n na Alla ti.
Ka bo niŋ i la konotodiyaa la
n kanda sila koyiriŋo kaŋ.
11 Yaawe, i too kamma la, n niyo tankandi.
I la tiliŋo kaŋ, m bondi mantooroo kono.
12 I la kanu bambaloo kaŋ
n jawoolu siyo kuntu,
i ye n toorandilaalu kasaara,
kaatu nte mu i la dookuulaa le ti.
© Mandinka Bible © Bible Society in The Gambia, 2011
