Alla la moolu la tankoo
Moolu ka ñiŋ suukuwo le laa, niŋ ì be Alla Batudulaa Buŋo* waliŋ na.
1 Moolu mennu ye ì jikoo loo Yaawe* kaŋ
ka munta le ko, Siyoni* Konkoo meŋ te jiijaa noo la,
a be tu la looriŋ ne fo abadaa.
2 Komeŋ konkoolu ye Yerusalaamu murubeŋ ñaameŋ,
Yaawe ye a la moolu murubeŋ wo le ñaama,
ka bo saayiŋ na, ka taa fo abadaa.
3 Moo kuruŋolu te tu la maraloo ke la
moo tilindiŋolu la bankoo kaŋ.
Niŋ wo nte,
moo tilindiŋolu si duŋ noo kuu jawu baaroo to le.
4 Yaawe, kuu kendoo ke moolu ye,
mennu mu moo kendoolu ti,
mennu ŋaniyoo seneyaata.
5 Bari moolu mennu ka taa ì fansuŋ sila jenkeriŋolu la,
i si wolu niŋ moo kuruŋolu kasaara ñoo la.
Kayiroo ye tara Banisirayila fee.
© Mandinka Bible © Bible Society in The Gambia, 2011
