Tenturoo Alla la tankandiroo kamma la
Moolu ka ñiŋ suukuwo le laa, niŋ ì be Alla Batudulaa Buŋo* waliŋ na. Dawuda la Jabuuroo.
1 Niŋ Yaawe* maŋ tara nuŋ ntolu la karoo la,
Banisirayilankoolu, ali a fo,
2 niŋ Yaawe maŋ tara nuŋ ntolu la karoo la,
kabiriŋ ǹ jawoolu ye m̀ boyinkaŋ,
3 ì kamfaariŋ baa,
tennuŋ ì be ǹ kende kunuŋ na le.
4 Ì be ke la le komeŋ waamoo, ì ye ǹ kunuŋ.
Ì be woyi la ǹ kaŋ ne komeŋ baa.
5 Ì be ǹ koora la le, ì ye ǹ samba,
komeŋ jiibori saŋaroo.
6 Tentoo be Yaawe ye,
ate le maŋ soŋ ì ye m̀ fara ì ñinkesoolu la.
7 Ǹ kanata le
komeŋ niŋ kunoo bota deemalaa la kaliŋo daa.
Kaliŋo kuntuta le,
bituŋ ǹ kanata.
8 Maakoyiroo ka bo ǹ ye naŋ Yaawe le bulu,
meŋ ye saŋo niŋ bankoo daa.
© Mandinka Bible © Bible Society in The Gambia, 2011
