Musa ye mansakee fuloo mennu noo keloo to
1 Ñinnu le mu bankoo mansoolu ti, Banisirayilankoolu ye mennu noo keloo la. Ì ye ì la tundoo taa Yoridani tilibo kara maafaŋo la, ka bo Arinoni Wulumbaŋo to ka taa Herimoni* Konkoo to, aniŋ Araba* tundoo tilibo kara maafaŋolu bee daa bulariŋo jee:
2 Mansakee foloo, wo le mu Sihoni ti, Amori mansa meŋ sabatita Hesiboni. Ate le ye Kileyadi tundoo talanteemoo bee mara ka bo Aroweri, Arinoni Wulumbaŋo daala, ka bo wulumbaŋo teema maafaŋo la, ka taa fo Yaboki Boloŋo bala meŋ mu Ammoninkoolu la naanewo ti. 3 Ate le ye Araba tundoo tilibo karoo la fanaa mara ka taa fo Kinnereti Baa bala, aniŋ ka taa fo Araba Baa bala. Wo le mu Koojii Baa ti meŋ ñaa be tilindiŋ Beti-Yesimoti maafaŋo la. Bulubaa karoo la, a ye bankoo doo fanaa mara Pisika Konko jindaalu la.
4 Mansakee doo mu Oki le ti. Ate le mu Basani mansa ti. A tarata Rafa koomalanka labaŋolu le kono. Ate le be maraloo la nuŋ Asitaroti aniŋ Edireyi. 5 A la mansamarali bankoo taata le ka bo Herimoni Konkoo to, Saleka saatewo to, aniŋ Basani tundoo bee la, fo ka naa bula Kesurinkoolu niŋ Maakatinkoolu la bankoo naanewo to la, aniŋ Kileyadi tundoo talanteemoo, fo ka taa bula Sihoni la bankoo naanewo to la, Hesiboni mansa.
6 Musa Yaawe* la dookuulaa, a niŋ Banisirayilankoolu ye ì noo keloo to. Bituŋ Musa Yaawe la dookuulaa ye ì la bankoo dii Rubeni lasiloo la, Kadu lasiloo, aniŋ Manase lasili talanteemoo, ka ke ì taa ti.
Yosuwa ye mansoolu mennu noo keloo to
7 Ñinnu le mu bankoo ñiŋ mansoolu ti, Yosuwa niŋ Banisirayilankoolu ye mennu noo keloo to Yoridani Boloŋo tilijii karoo la, ka bo Baali-Kadu, Libanooni Wulumbaŋo kono, ka taa Halaku Konkoo to meŋ taata fo Seyiri. Yosuwa ye ì la bankoo dii keetaafeŋo ti Banisirayila lasiloolu la, lasili-wo-lasili bee ye a taa soto: 8 Konkotundoo*, Sefela* tundoo, Araba tundoo, konko jindaalu, keñewuloo*, aniŋ Nekefu* tundoo. Hitinkoolu le sabatita nuŋ ñiŋ tundoolu to, aniŋ Amorinkoolu, Kanaaninkoolu, Perisi koomalankoolu, Hiwinkoolu aniŋ Yebusinkoolu.
9 Banisirayilankoolu ye ñiŋ saatewolu le mansoolu kiliŋ-kiliŋ naa noo keloo to:
Yeriko mansa, Ayi mansa meŋ be Beteli daala,
10 Yerusalaamu mansa, Heburoni mansa,
11 Yarimuti mansa, Lakisi mansa,
12 Ekiloni mansa, Keseri mansa,
13 Debiri mansa, Kederi mansa,
14 Horima mansa, Aradi mansa,
15 Libuna mansa, Adullamu mansa,
16 Makeda mansa, Beteli mansa,
17 Tapuwa mansa, Heferi mansa,
18 Afeki mansa, Lasaroni mansa,
19 Madoni mansa, Hasori mansa,
20 Simuroni-Meroni mansa, Akisafu mansa,
21 Taanaki mansa, Mekido mansa,
22 Kedesi mansa, Yokineyamu mansa meŋ be Karimeli,
23 Dori mansa meŋ be Dori tundoo kaŋ,
Koyimu mansa meŋ be Kilikali,
24 aniŋ Tirisa mansa.
Ì bee kafuriŋo ñoo ma, a taata kaañaŋ mansakee taŋ saba niŋ kiliŋ ne fee.
© Mandinka Bible © Bible Society in The Gambia, 2011
