Benjamini koomalankoolu
1 Benjamini le ye Bela wuluu, a dinkee foloo. A naata Asibeli wuluu, Ahara be wo nooma, 2 Noha be wo nooma aniŋ Rafa.
3 Bela dinkewolu, wolu le mu: Adari, Kera, Abihudu, 4 Abisuwa, Naamani, Ahowa, 5 Kera, Sefufani aniŋ Huramu.
6-7 Ehudi dinkewolu, wolu le mu: Naamani, Ahiya aniŋ Kera. Itolu ye ì fansuŋ kaabiiloo loo Keba saatewo le to. Ì naata ì bayi jee, ì taata ka sabati Manahati saatewo to. Kera meŋ mu Usa niŋ Ahihudi faamaa ti le ye ì la taa ñaatonkayaa.
8 Saharayimu ye dinkewolu soto Mowabi bankoo kaŋ ne, a la musoolu Husimu niŋ Baara bulariŋ koolaa. 9 A ye dinkewolu soto a la musoo Hodesi la le. Itolu le mu: Yobabu, Sibiya, Mesa, Malikamu, 10 Yewusi, Sakiya aniŋ Mirima. Ñinnu le keta a dinkewolu ti. Ì kiliŋ-kiliŋ naa ye a fansuŋ kaabiiloo loo.
11 Saharayimu ye dinkewolu soto Husimu fanaa la nuŋ, Abitubu aniŋ Elipaali. 12 Elipaali dinkewolu, wolu le mu: Eberi, Misamu aniŋ Semedi. Ate le ye Ono niŋ Lodi saatewolu loo, ì niŋ ì dandanna saateeriŋolu. 13 Beriya niŋ Sema, itolu le mu Ayaloninkoolu la kaabiila ñaatonkoolu ti, mennu ye Kati moolu kele.
14 Beriya dinkewolu wo le mu: Ahiyo, Sasaki, Yeremoti, 15 Sebadiya, Aradi, Ederi, 16 Mikayeli, Isipa aniŋ Yoha.
17 Elipaali dinkewolu wolu le mu: Sebadiya, Mesullamu, Hisiki, Heberi, 18 Isimerayi, Isiliya aniŋ Yobabu.
19 Simeyi dinkewolu wolu le mu: Yakimu, Sikiri, Sabudi, 20 Eliyenayi, Silletayi, Eliyeli, 21 Adaya, Beraya aniŋ Simurati.
22 Sasaki dinkewolu le mu: Isipani, Eberi, Eliyeli, 23 Abudoni, Sikiri, Hanani, 24 Hananiya, Elamu, Antotiya, 25 Ifedeya aniŋ Penuweli.
26 Yerohamu dinkewolu wolu le mu: Samuserayi, Sehariya, Ataliya, 27 Yaaresiya, Eliya aniŋ Sikiri.
28 Ñinnu le mu kaabiila ñaatonka too boriŋolu ti, aniŋ ì koomalankoolu, mennu tarata Yerusalaamu.
Mansa Sawulu bonsuŋ saataroo
(1 Taarika 9:35-44)29 Yeyeli, Kibeyoni loolaa tarata Kibeyoni saatewo le to. A la musoo too mu Maaka le ti. 30 A dinkee foloo mu Abudoni le ti, Suri be wo nooma, Kisi be wo nooma, Baali be wo nooma, Nadabu be wo nooma, 31 Kedori be wo nooma, Ahiyo be wo nooma, Jakariya be wo nooma, 32 aniŋ Mikiloti, meŋ mu Simeya faamaa ti. Itolu fanaa tarata sabatiriŋ ì baadiŋolu daala Yerusalaamu.
33 Neri le ye Kisi wuluu, Kisi ye Sawulu wuluu, Sawulu ye Yonatani wuluu, Malikisuwa, Abinadabu aniŋ Esibaali.
34 Yonatani dinkewo mu Meribaali le ti, Meribaali dinkewo mu Mika le ti. 35 Mika dinkewolu, wolu le mu: Pitoni, Meleki, Tareya aniŋ Ahasi.
36 Ahasi naata Yehowada wuluu, Yehowada ye Alemeti, Asimaweti aniŋ Simuri wuluu. Simuri naata Mosa wuluu, 37 Mosa ye Bineya wuluu, Bineya ye Rafa wuluu, Rafa ye Eleyasa wuluu, Eleyasa ye Aseli wuluu.
38 Aseli ye dinkee wooro le soto, aduŋ ì toolu mu Asirikamu le ti, Bokeru, Isimayila, Seyariya, Obadiya aniŋ Hanani. Wolu bee mu Aseli dinkewolu le ti.
39 A doomaa Eseki dinkewolu, wolu le mu Ulamu ti, a dinkee foloo, Yewusi be wo nooma, aniŋ Elifeleti. 40 Ulamu dinkewolu mu kelejawara baalu le ti, aniŋ kalafayilaa baalu. Ì ye dinkee jamaa le soto, aniŋ mamariŋ jamaa, a taata kaañaŋ moo keme, moo taŋ luulu le fee.
Ñinnu bee keta Benjamini koomalankoolu le ti.
© Mandinka Bible © Bible Society in The Gambia, 2011
