Saasaatoo la duwaa, ka Alla la maakoyiroo ñini
Meŋ be suukuulaa ñaatonkayaa la: Dawuda la Jabuuroo le mu.
1 Neemoo be moo le ye meŋ ka moo koririŋolu hati,
Yaawe* be a tankandi la le mantooroo waatoo la.
2 Yaawe be a tanka la le ka a tu baluwo to.
A be neema la a ma bankoo kaŋ ne.
A te a tu la a jawoolu ye ì sawoo soto a la.
3 Yaawe le be a deemaa la niŋ saasaa ye a landi,
ate le be a murundi la jaatikendeyaa to.
4 Nte kumata le ko, “Hee Yaawe, hiina n na,
i ye n kendeyandi,
kaatu ŋa junuboo le ke i la.”
5 N jawoolu ka kuma jawoolu le fo m ma ko,
“Muna a te faa la baŋ,
fo a too si buruka fereŋ?”
6 Niŋ meŋ naata n juubee,
a ka kuma kenseŋolu le fo,
wo ye a tara jawuyaa le be faariŋ a sondomoo kono.
Niŋ a fintita banta,
a ka taa danteeroo le la taariŋ.
7 Mennu bee ye n koŋ ka n na kuwo dukuduku ñoo ye le.
Ì ka kuu jawoo le ŋaniya n ye.
8 Ì ka a fo le ko, “Kooroo le kupita a kaŋ,
a te wuli la a noo to kotenke.”
9 Hani n teeri kendoo, n laata meŋ na,
n niŋ a ka deŋ n na domoroo la,
a yelemata n jawoo ti le.
10 Dukaree Yaawe, balafaa n ye,
i ye n kendeyandi, fo n si n joo ì to.
11 Ŋa a loŋ ñiŋ ne to ko,
n na kuwo ye i kontaani le,
bayiri n jawoolu te a fo la ko,
ì ye i kutu n na le.
12 I ye i buloo duŋ n koto le,
n na sootaaribaliyaa kaŋ,
aduŋ i ye n sabatindi i fee le fo fawu.
13 Tentoo be Yaawe ye, Banisirayila la Alla,
ka bo saayiŋ ka taa fo abadaa.
Amiin! Amiin!
Saasaatoo la duwaa, ka Alla la maakoyiroo ñini
Meŋ be suukuulaa ñaatonkayaa la: Dawuda la Jabuuroo le mu.
1 Neemoo be moo le ye meŋ ka moo koririŋolu hati,
Yaawe* be a tankandi la le mantooroo waatoo la.
2 Yaawe be a tanka la le ka a tu baluwo to.
A be neema la a ma bankoo kaŋ ne.
A te a tu la a jawoolu ye ì sawoo soto a la.
3 Yaawe le be a deemaa la niŋ saasaa ye a landi,
ate le be a murundi la jaatikendeyaa to.
4 Nte kumata le ko, “Hee Yaawe, hiina n na,
i ye n kendeyandi,
kaatu ŋa junuboo le ke i la.”
5 N jawoolu ka kuma jawoolu le fo m ma ko,
“Muna a te faa la baŋ,
fo a too si buruka fereŋ?”
6 Niŋ meŋ naata n juubee,
a ka kuma kenseŋolu le fo,
wo ye a tara jawuyaa le be faariŋ a sondomoo kono.
Niŋ a fintita banta,
a ka taa danteeroo le la taariŋ.
7 Mennu bee ye n koŋ ka n na kuwo dukuduku ñoo ye le.
Ì ka kuu jawoo le ŋaniya n ye.
8 Ì ka a fo le ko, “Kooroo le kupita a kaŋ,
a te wuli la a noo to kotenke.”
9 Hani n teeri kendoo, n laata meŋ na,
n niŋ a ka deŋ n na domoroo la,
a yelemata n jawoo ti le.
10 Dukaree Yaawe, balafaa n ye,
i ye n kendeyandi, fo n si n joo ì to.
11 Ŋa a loŋ ñiŋ ne to ko,
n na kuwo ye i kontaani le,
bayiri n jawoolu te a fo la ko,
ì ye i kutu n na le.
12 I ye i buloo duŋ n koto le,
n na sootaaribaliyaa kaŋ,
aduŋ i ye n sabatindi i fee le fo fawu.
13 Tentoo be Yaawe ye, Banisirayila la Alla,
ka bo saayiŋ ka taa fo abadaa.
Amiin! Amiin!
